تعال قبل لاتروح بهديك حاجه

دام الزمـن عقـد عليـنـا حجـاجـه
كل ما يسـوي لازم نقـوول مسمـووح

ماينفـع المشتـاق كـثـر احتجـاجـه
دام الجفا في شرعكـم صـار مبيـووح

كل مـا هقيـت انّـا قريـب انتواجـه
القاك يـا خلّـي علـى البعد مشفـووح

وكل ما ضويت الشوق تطفـي سراجـه
وتترك شعووري بين حـي ومذبـووح

وشلون ألومـك لـو مشيـت بعواجـه
ماتدري ان كل الخطـا منـك مدمـووح

تعـال قبـل لاتـرووح بهديـك حاجـه
ماعاد لي فيهـا مـع البعـد مصلـووح

ماهـي رسائـل او عطـوور بزجاجـه
بهديـك قلبـي دامـك معـزم تـرووح

كـدر مـزاجـي كــدر الله مـزاجـه
وعرّض جميع اسرار نفسي على البووح

نوبن صويـب ونـوب فيـه ارتجاجـه
ونوب عطيب ونوب يشكي من النـووح

اخـذه معـك مليـت كثـر اللجـاجـه
وش حاجتي في قلـب مليـان بجـرووح

بيدك نـزف جرحـه وبيـدك علاجـه
وبيدك تواريه الثرى وتأخـذ الـرووح

مما اعجبني

جميل إختيارك لهذه القصيده الرائعه
سلمت يداك على ما نقشت أناملك من قصيدة
كانت في منتهى الروعة والإبداع..

أتمنى لك التوفيق..

تقبلي خالص ودي..

اسير الغرام كتب:: جميل إختيارك لهذه القصيده الرائعه
سلمت يداك على ما نقشت أناملك من قصيدة
كانت في منتهى الروعة والإبداع..

أتمنى لك التوفيق..

تقبلي خالص ودي..

الاجمل مرورك اخي

الله يسلمك

هذا من ذوقك اخوي

شاكره مرورك الرائع

لاخلا ولا عدم

دمت بود

يسلمــو ...
وتقبلي مروري ...